الهجر
****
انا من انا
انا انثى ماليه جناح
انا عايشه مع الأشباح
سنينى قضيتها على شوقك
وليلى طال مع قدومك
أنا الغرقانه من بعدك
أنا العطشانه من قربك
أنا الأنثى ماليه شراع
أنا عايشه الهوى ف صراع
ودا كلامها فى وقت عتاب
لكن هجرى دا له أسباب
أنا شفتك وحبيتك
ولما الهوى صابنى
أنا جيتك
أنا شيلتك فى نن العين
وخبيتك
أنا كان حضنى بيهواكى
ودفيتك
أنا القلب اللى كان ملكك
وكان ايدك
أنا الفرحه اللى كات تضحك
على وجودك
أنا العاشق هوا قربك
أنا هويتك
لكن ؛ سنين الحب ماطالت
كمان العشره أهى هانت
وأحوالك كمان مـــالت
شغلتى العقل بالأولاد
نسيتى ان بينا ميعاد
حياتنا اتملت بسكات
كلامك شُكى واهات
وحياتنا بقت زهرات
فأوعى تشتكى من الهجر
دا أنا مليت من الصبر
غيابك هو كان الهجر
ليست هناك تعليقات:
إرسال تعليق