مر الزمن واحنا يدوب واقفين هنا *طلعت حلمى عامر

طلعت حلمى عامر

مر الزمن واحنا يدوب واقفين هنا
نبكى ونحزن ع اللى فات من عمرنا
عايشين كدا مستنين لحظة هنا
يجى الهنا تلقى الحياه تقلب شقا
والكل تايه فى الوبا عقله اتحشا

ماضى و جميل عدّى كما لمح البصر
حاضر أليم عايشين على كف القدر
وبنشكى من طول السفر
واللى حضر قلبه انفطر
من فعل أصله من القدر
واللى مضى جاله الخبر
ان الحبيب عنده حضر
واحنا ف تلاهى عن القدر
.. طلعت حلمى عامر

.