دم وكفـــن وحــــداد
ثـلاث ألــوان فى علـم بلـدى
احــمر بلـون الــدم متغـطى
أبيض دا لـون الكفن وفيه ابنى
أسود وشاح حدادى يا بلدى
ثـلاث ألــوان يـا ولــدى
ونفسى أكون فى أحضانك
ومهما كنت فى يوم راحل
ميغلى الوطن لآحضانك
ثـلاث ألــوان يـا ولــدى
ولــون الفــرح بيغطى
على جبينك وبيخطى
يكون تحت أقدامك طريق وردى
يــزف الفرحه بـالجنة
ثلاث ألوان بلون فرحك
ولون السعد مستنى
شهيد والاحتفال بيذيد
والــكل لسه متوضـى
بيدعيلك ويتمنا يكون بعدك
يعيش العمر متهنى
ثلاث ألوان فى علم بلدى
وملفوفه وملهوفه وبترفرف
لروح شهيد بتنادى يوم فرحك
وانا قلبى بيتقطع لفراقك يا ولدى
وهعيش العمر ومن غيرك يكون سندى
أه ما أنا أم وحلمى للوطن حضنه يضـــــم
ويوم سعدك يكون سعدى
وعمر فراقك على وطنى ما يغلى يا ولدى
كلــــمات : سمير رمضان
ليست هناك تعليقات:
إرسال تعليق