النشرة الجوية . بقلم الشاعر هانى حزين

تابع النشرة الجوية..

اخر الفترة المسائيه..

بتقدمها مُزة جديدة..

عاملة زعابيب كونيه..

ضاربه الطقم..

والحته الزفرة..

بمرتب فقرة محليه..

قالت الريح جايه قويه.

. استخبوا منها يا افنديه..

وانتى يا شاطرة وانتى يا هانم...

خدوا بالكم الشوطه عفيه..

موش هتبقى على اى حد....

م الصبح للمغربيه...

وفىه كمان قرصة برد...

بمفاصل قوميتنا المنسيه...

بس بلاش ياريت يا عالم...

فتاوى عصر الالفيه....

الكل عارف ولحدوده شايف.. 

وواثق كمان...

فى معتقداته الدينيه...

النشرة صبحت ندوة كبيرة...

عن احوالنا المدنيه...

اتارى المُزة صاحبة قبول..

وابوها عمدة الحانوتيه..

بقلمى..

هانى حُزين