#اليكتل#
بروحة انتضارك هاذة موعاشك حقيقي ..انة كاتل بية وادم ..خاطر تعيش بعبرتي ..انة انة عايش بيك وحدي وما ادور ..حتة لاشتت صفنتي ..انة واحد وانتة كد ميل الثواني ..انتة كدي وانة كد اوضاع وجهك ..تبجي ابجي ..اضحك اضحك ..تسكت اسكت ..تمشي اوكف ..خاف اطيح ..وافضح جفوفي بمشيتي… انتة وردة وانة كلشي… وية اليغثك شوكة اصير ..وية التشمهم نسمة اصير.. وية اليبردك نار اصير ..حتة تدفة وما احير… ومن تغمض ضلمة اصير ..من تحل شعرك انام ..ومن تشد شعرك اكوم. ومن تجي ابالي اصوم .. خاف احجي وتلكة غيري ايحطك ابالة ..او اموت ..عيوني ضيكة ..ومن اشوفك كلي افتح ..بلكي اكفي ..جدامي كبرهة الطريق البي تمر يومية صدفة… انة علمتك حنيني ..وعلمت جسمي اعلة رجفة ..انتة واحد مومثالي ..ورايد انسان اعلة كدك ..وانة يالله بكد ضحكتك… انتة خصرك هيج يكتل بالله شتسوي فركتك .....
للشاعر المبدع حيدر الهاجري
ليست هناك تعليقات:
إرسال تعليق