- السعادة الحقيقية...لما نكسر جوانا حاجز الخوف
- والانهزامية
- السعادة الحقيقية...لما تبقى قلوبنا بيضا زى ضى
- الصبحية
- السعادة الحقيقية...لما نقضى على الفساد
- والمحسوبية
- السعادة الحقيقية...لما نكون يد واحدة قصاد كل ايد
- معتدية
- السعادة الحقيقية...لما نطرد من بلادنا اللصوص
- والبلطجية
- السعادة الحقيقية...لما نثور على مظاهر الجهل
- والرجعية
- السعادة الحقيقية...لما نقضى على الروتين
- والاستغلال
- والانتهازية
- السعادة الحقيقية....لما نعمل المعروف ما نستناش اى
- مكافأة او هدية
- السعادة الحقيقية....لما نقول بعلو صوتنا احنا بننعم
- بالحرية
- السعادة الحقيقية..لما نحكم دينا اساس فى معاملاتنا
- اليومية
- ..................................................................
- السعادة الوهمية...لما نصدق تصريحات مسئولينا
- الوردية
- السعادة الوهمية..لما ننتظر امنيات من بلاد معتدية
- السعادة الوهمية...لما نكسب ماتش كورة فى بطولة
- قارية
- السعادة الوهمية...لما نجعجع بعلو صوتنا تحيا امتنا
- العربية
- السعادة الوهمية...لما نكدب الحقيقة وواضحة قدامنا
- ومقرية
- السعادة الوهمية...لما نقول ياعين ياليل واحنا بندندن
- باغنية
- السعادة الوهمية....لما ننصح فى الناس واحنا افعالنا
- ردية
- السعادة الوهمية....لما نقول ان الحياة بسيطة خالص
- وهنية
- السعادة الوهمية...لما نسمع كلمة حب من حبيبة
- انتهازية
- السعادة الوهمية...لما نطلع فى العلالى باوهامنا
- المستخبية
- السعادة الحقيقية ....السعادة الوهمية
- ياترى سعادتك ايه؟؟؟؟سؤال ليك وليا
- بقلمى..
- هانى حُزين
ليست هناك تعليقات:
إرسال تعليق