تقدر تتكلم بعنيك؟؟
تعرف تقول كلام وكلام
ممكن عنيك تضحك بس فيها شعور مختلف!!
تقدر تعترف ؟
فاكر لما جيتلك وانت رفضتني
رفضت قلبي وانت بتحبني
فاكر لما قعدت معايا ايام وشهور خايف اواجهك باي شعور
فاكر لما كنت بخاف عليك
من نفسك ومني ومن الناس اللي حواليك
شايفك تبتحاول تفتكر
سؤال صغير هوه انت بتفتكر ولا عامل نفسك مش عارف
جوة قلبك حنين ليا ولا خلاص مبقتش شايف
مش قلتلك حبك لنفسك ده هيقتلك
هوه يعني غلطتي اني امنتلك
ولا قلبي ليه بيحنلك
بيحنلك !!! هوه في حد يقدر يستحملك
ولاغلطتي اني امنتلك
استعطفك !! اخر دقيقه ف عمري لو استعطفك
مانا قلتلك وكنت اخر قلب ماهبصلك .
انا بس جاي اقولك واستحلفك
لو تقدر تمحي نفسك من زكرياتي استحلفك اصل اخر مرة شفتك اشتقتلك
طيب ليه مانت معايا وانت بعيد
سيبنا بعض من سنين وسنين ولسه زي ما قولتلك
اصل انا وعدتك يوم ما امنتلك
لحبيت ولا هحب غيرك مش قولتلك ؟
خلاص مش لازم تبكي قدام عنيا
علي قد مانا مشتاقلك عل قد مانت صعبان عليا
وفيها ايه لو بقيت زمان عليا
ومكنش لازم تجرحني وتقسي عليا
واما رجعتلي لاقيتك خدعتني ومن يومها وانا اخدت عهد عليا
اه بحبك ووعد قلبي عليا هنفذه
لو كنت اخر نفس ليا فحياتي
مش هتنفسه .
مش قلتلك دلوقتي كلام عنيك بان عليك ..
علي قد مانا قاسي علي قد مانا مبسوط بدمع عنيك
جرب نار دوقتهالي من سنين
راجعلي باكي بس خلاص يا حبيبي علي مين
اصل اللي اتألم خلاص اتعلم
وانا قلتلك ايوة بحبك بس خلاص هتقول لمين ..
ليست هناك تعليقات:
إرسال تعليق