وأنا مشى فى الصحرا وحديه...................... بقلم الشاعر الكبير / ثروت كساب

وأنا مشى فى الصحرا وحديه

وأنا مشى فى الصحرا وحديه
لقيت حوريه عدت عليه
سألتها انتى مين
قالت أنا قدرك الجميل
قولت لها جيه هنا ليه
قالت لى عشان مسبكش وحديك
قولت لها أنتى تعرفينى
قالت طبعا وصورتك مابتفارق عينى
قولت لها أنتى مش خايفه
ضحكت وقالت طول ماأنا معاك
عمرى ماخاف
أستغربت وقولت لها دى صحرا
قالت أنا عارفه
قولت لها فيه ديابه
قالت الديابه البنى أدمين
قولت لها ارجوكى قوليلى
أنتى مين
قالت لى كفايه تعارف وخلينا قاعدين
قولت لها بجدانتى حيرتينى
ولو ماقولتيلى حتجنينينى
قالت لى تصدق جعانه
وكمان عطشانه
بصيت حواليه قولت لها طيب أجيب لك اكل منين
قالت أنا جعانه حب وعطشانه شوق
وكمان بردانه
قولت لها أحنا فى الصحرا وومفيش بطاطين
قالت أنت عارف أنا نفسى فى ايه
قولت لها قولى نفسك فى ايه
قالت نفسى أسكن فى عيونك
وتغطينى برموشك
وصحيت من نومى أدور عليها
لقيته
حلم بس حلم جميل

بقلمى/ثروت كساب