**سألوا مين البلد**بقلــــــم: عــــــادل الشـــــــهـــابى

**سألوا مين البلد**
سألوا مين البلد اللى كرمها الرحمن ..
قولت مصر والدليل ذكرها فى القرآن ...
سألوا هى مين اللى وصى على أقباطها الرسول ..
قولت مصر وعلشان كده شعبها فى وفاق على طول ..
سألوا مين البلد اللى دعولها بالأمان ...
قولت مصر ودم المصرى على أخوه عمره ما هان ..
قبل ما حد يقول أزاى ...
ويقول إنى كمان نساى ..
اللى صار فى مصر من أغراب ..
مش ممكن ولادها يخلوها تعيش فى عذاب ..
مصر عظيمه بأهلها ...
ومتاكده إن الكل بيحبها ...
ده أحنا ليها هى لينا ..
وسيدنا موسى كلم ربه فى سينا ..
مصر اللى نزلها صلاح الدين ...
وجنودها كان معاه للقدس محررين ...
مصر اللى فيها خير الأجناد ...
ده مش كلامى ده كلام الرسول والأجداد ..
وفيه ناس بتشكك فى كده وده من الأحقاد ...
مصر رايتك دايما مرفوعه ...
مش هتنامى فى يوم أبدا موجوعه ..
يا مصر أنا شايف فرحتك جايه ...
وشعبك ليكى ده أجمل هديه ...
ليه الناس مستكتره حب ولادك عليكى ..
أصلهم مايعرفوش أننا الكحل اللى فى عنيكى ..
ومايعرفوش أننا فى محنتك بناخد بأديكى ..
سألوا مين البلد اللى كرمها الرحمن ..
قولت مصر خير الأوطان ...
واللى كرمها وذكرها فى آيات القرآن ..
بقلــــــم: عــــــادل الشـــــــهـــابى