يا صاحب النظرة
يا حارث الشجــرة مين خالق الورقة
و الجزع و فروعه دا كله من حبــــــه
مين كون الزهـــرة و ف قلبها الثمـرة
*************
ويا راكب الميـــــة شايلاك و اهي جارية
مين سخر النسمـة بتزق ف الجاريـــــــه
بص على الموجــه كيف تجري و الثانية
*************
دا الشمس فوق عالية و الارض بها دافيــــة
و البدر نور هالــــــــة و الارض بيه ضاويــة
و نجوم لينا هاديــــــة تهدي ف ليل عتمــــــه
**************
فكر ف دي البقـــــرة و لبنها و القشطـــــــة
بين دم ووسخهـــــــا يخرج حليب طهــــــرة
مين علم الدابـــــــــه تعطف على الولـــــــده
*************
و بص ع الانســــان و لسانه و الشفــــــة
و الروح أمانة فيــه بالله كده أمـــــــــــره
لو يعيا مين يشفيــه مين يكشف الضـــره
**************
و يأكله و يسقيــــه و يعينه ف العسرة
ان ضل مين يهديـه و يبين لنا الغلطـة
و القلب مين يمـلاه ع الابن بالشفقــــه
**************
كل نبي ويــــــــــاه آيات من العـــــــبره
مين كدبه و عصـاه حيموت كده بحســره
لينا النبي و حمـــاه ع الحوض لنا شربـه
ليست هناك تعليقات:
إرسال تعليق