ظروف الدنيا**بقلم / ابراهيم سعده

ظروف الدنيا
********
كل ما اسالها تقولى ظروف
كل ما نقرب تبعدنا ظروف
بقيت من الحيره مش دارى باى ظروف
طيب ليه كنا بنقرب ونخلى قلوبنا تتغرب
بقى بعد الحب مجمعنا نفارق بعضنا ونهرب ؟؟
****************************
نسيتى بجد ولا انتى على فراقى مجبوره
على اد الحب كانت حيرتى واه من حيله مكسوره
غبتى ايوه وسكتى وعشت فى دنيا مهجوره
بقى بعد دا كله مش ناويه تغيرى بقى الصوره

****************************

  يا حبيبتى الحب مش سلعه نبيع ونشترى فيها
ياريتك بس تكونى سامعه اهاتى تحسى بقى بيها
اذا كنتى نسيتى مش هنسى احلام كنت ببنيها
تعالى خلى الظنون تهدى ودنيتنا نعيش فيها

ابراهيم سعده