&& بعتذر && بقلم // أحمد صبرى

غصب عني بعتذر
لازم اغير احساسي
لاني كل مابفتكر
بلاقي قلبك ناسي

عقلك ماشي وراكي
رافض اكون تابع
رافض اكون جواكي
وكلامي مش نافع
بعتذر مش هقدر انسا
اي جرح اي كدب
اي شوق جوايا لسا
زي غلطة زي ذنب
لازم اقوى لازم اتوب
وانتي اخرك ذكريات
انتي م الاخر يدوب
نص حكاية من حكايات
انتي ايه هتكوني جمبي
موجة هتعدي في بحر
والحقيقة ان قلبي
مابينفع معاه السحر
بعتذر عن وقت عدا
وانا فاكرك بتحبيني
صحيح الضربة جامدة
وانا اقوى صدقيني