أغسل قلبك
***********
لا اخترت لونك و لا اسمك و لا شكلك
ليه يا أنسان متكبر و أنت كمشة تراب
مُعجب كتير يا عيني بتفاصيل ملامحك
و نفس إللي خلقك أنت خلق الغُراب
ليه تقسم الناس عاجبك و مش عاجبك
و أغلبهم حاسبهم عدوين و قليلين أحباب
ما تعرف تسامح و تطلب من ربنا يسامحك
و راسم على وشك نفاق و القلب كداب
ليه يا أخي بأيدك تكتر كل يوم ذنبك
و كاره ناس بالوراثه و تجهل الأسباب
يا أخي اللي خلق باقي الناس خلقك
و هو اللي يجازي الكل بثواب أو عقاب
خد قرار و أفتح عيونك و أطلب من ربك
يطهرك من الداخل و يعطيك الجواب
و قبل ما تغسل أيدك اتمنى غسيل قلبك
ربك مش هيطلب جسدك وقت الحساب
،
،
عاطف حارس نور
ليست هناك تعليقات:
إرسال تعليق