&& بلاش نتكلم عن الماضى &&
***********************
بلاش نتكلم عن الماضى
حبــك كان كــلام فاضـى
بتجرح ناس وتطعـن ناس
يـومين جـلاد ويوم قاضى
*******************
كفـــايه ظلـم كفــايه كــلام
علمتنـــى مـــــع الأيــــــام
مافيش احساس ولا اخـلاص
غــرامــك كان اســوأ غـــرام
***********************
بـدون تفكـير أنـا نسيتك
ومـن حيـاتـى أنـا نهيتك
جراحى خلاص مع الأيام
بتتداوى ونسيت صــوتك
******************
بتجرح ليه وتتجرأ
على غيرك وتتبرأ
وبـالخيــانه بتبـدأ
******************
تخــون دايمـــا وتخدع ليـه ؟
وفــى التزييف بتعمـل ايـه ؟
ضميرك فين وراح كده ليـه ؟
بتعتـب ليـــه وعــايـز ايــه ؟
*******************
متتكلمش عن الحــب مهما كان
ما دام غدار وأنانى وملكش أمـان
بيـك اتعلمـت انك للغــدر عنــوان
وزمنك راح وخــلاص كان ياما كان
***********************
ســؤالــى ليـك عيــونك ليـه مبتبكيش ؟
هتفضــل تنــدم عشــانـــى متخبيـش
أنـا الفرحــه وجيت عــندك مصــونتنيش
كفايه كدب كفايه جراح وسيبنى أعيش
***************************
مــن الأيــام بنتعلــم وبنعيشهـــا
بوجه بشوش بتجرحنا بخرابيشها
ونتألــم وتجرحنــا كده وشوشهـا
ومـــا زلنــا بنتعلـــم وبنعيشهــــا
***********************
كفـايه عتــاب ابعــد عنى يـا أنانـى
عامـل مجــروح مــع انك الجــانــى
متفتكــرش انـى هحــن انسانــى
كفايه عذاب دموعى منك سبقانى
كرهت كتير بسببك قلبى وحدانى
كفايه بـلاش نتكلـم عـن الماضـى
***********
#وردالغرام / أميره عيد شقير
ليست هناك تعليقات:
إرسال تعليق