&& فوق بقيَ && كلمات : شريف شمه

ماتفوق بقي *** إيدنا خلاص متفرقة
ماتفوق بقي *** ﻻ انت النصيب وﻻ اللُقا
******
إغرق وتوه فى دنيتك
إمسح لوحدك دمعتك
أنا سكتى غير سكتك
الدنيا دوارة

القلب اللى بتجرحه
مبقتش تانى تفرحه
وهان عليك كده تدبحه
وخسرته ياخسارة
***********
خد فى إيدك كل حاجة ملكتها
خد فى إيدك كل حاجة فى وقتها
صفحة بإيديا حرقتها وكله انتهى
ماتفوق بقي
**************
شوف حد تانى بلاش انا
شوف حد يسقيك الضنا
ماتستاهلش حبنا
وﻻلحظة نتألم
عشنا ف ثوانى قريبة
شوفنا القلوب الطيبة
وحياتنا كانت تجربة
كان ﻻزم أتعلم
خد فى إيدك كل حاجة ملكتها
خد فى إيدك كل حاجة فى وقتها
صفحة بإيديا حرقتها وكله انتهى
ماتفوق بقي