&& بنادى عليك && بقلم / عزة احمد

بنادى عليك و صوتى اندبح
و قلبى عليل م الحب انجرح
اشكيك لمين يا ظالمنى.
بكيت كتير يا هاجرنى
عارفه انك زعلان منى
و دى اكتر حاجه بتألمنى.
القلب عطشان لهواك
و العقل مانعنى.
رحت لقاضى الغرام
قلت يمكن ينصفنى.
قاللى الحب ده ممنوع.
و م الاصل مش مشروع.
لازم تبعدى عنه و تسيبيه
قبل ما حبك يقضى عليه
من يومها و النوم طار منى
و بعادك عنى هيجننى
نفسى اشوفك بس خايفه عليك
خايفه اكون السبب و ازيك
تعالى زورنى فى المنام.
و كفايه نشوف بعض فى الاحلام
و اوعى تفكر فى العتاب
دى الحياة من غيرك سراب.