&& خواطر ايمان محمد &&

عينى عليك يا قلبى ياللى ملكش مكان
بين الحبايب ياقلبى ومحروم من الحنان
غريب لوحدك بتبكى خابف مافيش امان
وطول عمرك بتشرب م العذاب ألوان
وللمحبه ياعينى مشتاق ليها وعطشان
وان خدك بحر الغرام موجه يطلع عالى
وتوه بين الشطأن
وان طلعت منه تطلع جريح وتقاسى من الحرمان
وفى يوم لقيت مرسى أخدته بالأحضان
وضميته بشوق العاشق الولهان
وقلت هو ده شطى
شط المحبه والخنان
ومن فرحتك زرعته بالورد والريحان
وصحيت الامال وغرقت فى الاحلام
وكبرت الاغصان واتملى بيها البستان
اتاريه طلعلها شوك أحد م السهام
اتغرزت جوى منى جرحت قوى قلبى
ونزف منها الشريان
وفقت م الاوهام وماتت الأ حلام
ورجعت تانى مكانى مهدوده الكيان
وقلبى نزف دمه مكسور ياعينى مهان
الله يسامح الاحباب ويسامح اللى خان
ويصبرك يا قلبى على مر الزمان