رب القدر
...........
و اذا لعبت بيك الحياة
و شفت منها الوان الضرر
و دُقت المُر و قلت اااه
و حسيت قلبك هينفجر
و اتقفلت ف وشك كل الابواب
و مبقاش فى خير منتظر
و ملقتش حد عنده رحمه
يحوش عنك الخطر
اجرى ع البيت الحرام
و قول شكواك لرب القدر
و طوف و ابكى و اذكر الله
و خليك مع ربك و انسى البشر
هتلاقيه عليك احن م الام
و يمسح عنك تعب السفر
و تحس هناك بالامان
و نفسك تهدى و تستقر
و يزول عنك الهم و الالم
و تنسى الاساءه للى غدر
.............
عزة احمد
ليست هناك تعليقات:
إرسال تعليق