توته ..بحبك
شوفتى ياتوته بيقولوا ايه
-بيقولوا ايه
ان الحب كبرت عليه
وانا ع الدرب الحب رفيقى
ياما سهرت الليل اناجيه
-دا انت يابابا فى حبك لينا
كل الناس حاسدينا عليه
زعﻻن ليه ؟
اصل ياتوته الشعر شاب
بعد ماشاب ودوه الكتاب
-بس يابابا القلب شباب
تقولى كبرت كبرت دا ايه
دا انت وماما ف الحب حكايه
اجمل قصة واحلى رواية
قوليلى يا توته اعمل ايه
-بص يابابا انا هكتبها وهطبع
منها 1000 كتاب ﻷجل الناس
يتعلموا منها دا اللى يعيش من
غير ما يحب حياته عذاب
..توته يابنتى انا مش عارف اقولك ايه
-ايوه يابابا قوللى بحبك واوعى
تقوللى ان الحب كبرت عليه
..توته بحبك..والله كبرتى
تعالى ف حضنى يابنت اﻹيه
مجدى النويهى
ليست هناك تعليقات:
إرسال تعليق