&& مُش ولادك يامصر && كلمات / أيمن صبري زنون أبوعماد

دول مُش ولادك يامصر ولا دولا عشاقك

دول بيَّاعين الهوى والعُهر لولادك

دول مش ولادك يامصر ولا دولا كُمَّالِك

دول حمَّالين الوَبَا ليكِ . لأحفادك

دول نخَّاسين الوطن بيخوضوا ف أعراضك

دول مُش ولادك يامصر ولا دُوْلا عِمادك
........................
دول مُش ولادك يامصر ولا دينك دا كان دينهم

واللى صانوكِ يامصر دولا ماهُمْ منهم

دولا اللى ضلِّوا السعى ويبغُوا مكاسبهم

ولا ( رب) السَّما اللى فوق بيخافوا يحاسبهم

……………

دُوْلا اللى قالوا يامصر ليكِ بنغنِّي

وكُلُّه كلام ف الهوا والفعل مِتدنِّي

وكُلُّه كلام بالغنا وف زحْفِها يوَلِّي

……

أنا اللى ليكى فرحتي مِيْلي على يّمِّي

دوسي على الأحزان وبعمري أنا اتحنِّي

يا ام العيون أهرام والنيل بيغنِّي

أنا اللى عاشقك أنا ماتغيبي يوم عنِّي

أنا ابن عُمرك أنا أفديكى وبدمي

دول مُش ولادك يامصر . شِدِّي الشِّراع يَمِّي

أنا اللى عاشق ترابك وعايشك أنا ف حلمي