&&‏سلوك مصرى‬&& بقلم / أحمدرأفت‬

هبطل الرشاوى وهكون انسان نضيف

خلاص بجد ناوى اكون شريف عفيف
مش هقبل اى رشوه ومش هاكل شئ حرام
هاكل حلال لو حتى رزه او نص رغيف
ومش هعاكس اى مزه وهبطل اكون ظريف
وهحافظ على القانون وهربط الحزام
هبطل الف وادوور ومش هخالف المرور
خلاص هكون امين ومش هسرق سلك نور
مش هشرب تانى حشيش ولا هاخد ترامادول
انا بجد لازم اعيش انسان واعى ومسئول
هبطل ارغى ع الناس وكمان هبطل كدب
وهخلى عندى احساس ومش اى واحده هحب
كفايه بقى سفاله هكون انسان أليف
مش هرمى ف الشارع زباله ده لازم يكون نضيف
هدفع تذكرة المترو ومش ها أزأز جواه لب
مش هشوف قناة التت ومش هبص على اى ست
بعد كده هتلاقينى بتفرج على البرامج الدينى
وهغير تفكيرى عن الحب وهتابع هبه قطب
انا بجد خلاص مصمم اكون انسان جديد
الحمد لله عقلت ومش هتابع ريهام سعيد
‫