فى حب مصر : بقلم د /محسن الشرقاوي

 

فى حب مصر :
إلى مصر .. وكل من عشقها .. وأحبها ..
إلى الحاقدين .. وكل من يحاول أن يكسر قلبها ..!!
هذه هى قصيدتى السابعة : ..... حب الوطن ..!!

7- حب الوطن ..!!
حب الوطن .. مش كلام .. ينقال ف أغانى ..
حب الوطن .. أحساس كبير .. مليان معانى ..
حب الوطن .. أخاف عليه .. من أى حاجة تأثر فيه ..
ساعة الفدا يلاقينى واقف بين أيديه .. وروحى ليه ..
حب الوطن مش حاجة سهلة .. دى مسئولية ..
لازم تضحى عشان بلادك تبقى أحلى .. ومية مية ..
بلدك أمانة وعشان تصونها .. أنا وأنت ننسى الأنانية ..
ونبقى عيلة طريقنا واحد .. هدفنا واحد ..
ونبنى فيه .. ونعليه .. بقلب صامد ..
تديه بجد .. من غير ماتنطق بحرف واحد ..
حب الوطن .. زى الصلاة .. لرب واحد ..
تنفع صلاة من غير وضوء .. وقلب ساجد ..
حب الوطن .. مش كلام ..!!
د. محسن الشرقاوى
ومازال للحب بقية ..!!
ومازال للشعر بقية ..!!