إطلاله مؤسفه
( فى سرقة البنوك )
…………………………
أنا خلاص ( ياعبيد ) إتخنقت
م العيشه إللى دايماً ضنك
فقررت إن أسرق بنك
فرسمت خطه متخرش الميه
خطه مضمونه ميه فى الميه
أعمل كااااااااام شركه وهميه
وأسحب يجى كاااااام مليون
وأحولهم على دوله أوربيه
وقبل معاد السداد بشويه
أخد تأشيره ومعاها جنسيه
بس إوعا ( ياعبيد ) تبلغ عنى
أنا بعمل زى إللى قبل منى
مش عارف ليه طلبه لخبطه
ولا أفكارى قلت ونازل شخبطه
ولا إتلسعت فى نفوخى م الزقططه
وفيها أيه يعنى لما أسرق بنك
وأعيش لى يومين وأودع الضنك
ماكل إللى سرقو البنوك . . . . .
عايشنها فيلال وعربيات وحياة متزبطه
وطلعو من السجون وإتفكت قيودهم
والغلابه فى السجون قيودهم متربطه
وأنا بقالى ربع قرن ( ياعبيد ) . . . .
فى احبال الشرف نازل شعبطه
( وبعد يومين )
خلاص ( ياعبيد ) هيييييييييييييييه
سرقت البنك ونفذت بإحتراف الخطه
بس إكمنى فى سنه أولىَ
وقعت فى ثانيه وبسهوله
لكن من حُسن حظى
لقيتنى قدام قاضى المخلوع
فااطمنت وعرفت نهاية الموضوع
جيبت فريد ( القاضى ) عمله سلام
قاله موكلى برئ . . . . .
قاله تمام ياديب تماااااااااااااااااااام
بس إنت وهو هتدفعو كاااااااااااام ؟؟؟؟؟
قولى إنت وهو هتدفعو كاااااااااام ؟؟؟؟؟
…………………………
وربنا مفيش أجمل من الحلال
إطلاله مؤسفه
( فى سرقة البنوك )
بقلم الشاعر يوسف الحمله
28/2/2015
ليست هناك تعليقات:
إرسال تعليق