&& يا قلبى && --- $$ غنائيه $$ بقلم ** الشاعرة * ‏وردالغرام‬ / أميره عيد شقير

&& يا قلبى && --- $$ غنائيه $$
*********** ــــــــــــــــ

يا قلبــى يا مجــروح مـا تتألمش
الجــرح علــم فيـــك متتكلمــش
دايسين عليك بهموم متتظلمش
جرح القلوب بيفيض وما تسلمش
&&&
جرحوك اغلى الحبايب هتكدب ليه ؟
بتعـافـر فـى الـزمـن وهتعمـل ايه ؟
كـل البشـر حـواليك بيطمعـوا فيك
وانت قلبـك جــريـح ودمعــك فيـه
***
وشـوش كتيـر حـواليك ميتآمنوش
عالجرح كده يضغطوا وميسكتوش
وانت بتضحـك ليـه ومستسلــم ؟
اصـرخ بـألمــك آآآآآه متكتمهـوش
***
يا قلبــى يا مجــروح مـا تتألمش
الجــرح علــم فيـــك متتكلمــش
دايسين عليك بهموم متتظلمش
جرح القلوب بيفيض وما تسلمش
&&&
فــرص كتيــر بتضيــع مـن حواليك
تغمض عينك وتضغط عليها بأيديك
من بعــد جـرح حبيب وعلــم فيك
باعـد عن المكتـوب واللى شاريك
***
دنيـا العجـب ألـوان فيها ميـة لون
ناس تجرحك وتقول عليك مجنون
وناس تحسدك كتير بكلام ملعون
وانت بيـن الأتنين شـريـد مفتـون
***
يا قلبــى يا مجــروح مـا تتألمش
الجــرح علــم فيـــك متتكلمــش
دايسين عليك بهموم متتظلمش
جرح القلوب بيفيض وما تسلمش
&&&
بيـن الــوجـع والآه عــايش رحـال
قلبك بيبكــى معـاك ليالـى طوال
وعينيك حرمها النوم شايف أهوال
وكــل يــوم تفقــد آمــال ووصـال
***
حــيرت نــاس كتــير أوى ويــاك
تضحك وكل الناس مش شيفاك
والـدمـع نـازل بحــر وانت هنــاك
عايش مع الماضى وجرحه هلاك
***
يا قلبــى يا مجــروح مـا تتألمش
الجــرح علــم فيـــك متتكلمــش
دايسين عليك بهموم متتظلمش
جرح القلوب بيفيض وما تسلمش
&&&
كان ذنبــى ايه غـير انى حـد صريح
فـى زمــن كلـه خــداع مــع تجريح
حبيت أعيش فى النور بعقل فصيح
لاقيتها عتمه وأحلامى خدها الريح
***
مـش هبكى عالطيبه فى زمن الآه
هبكى علـى جرحى اللى أنا فكراه
أوقــات كتـير ينـزف ومـش شيفــاه
يا جرحى نفسى تطيب كرهت الآه

‫#‏وردالغرام‬ / أميره عيد شقير