&& الدنيا مسرح كبير &&
ــــــــــــــــــــــــــــــــــــــــ
صدق اللى قال الدنيا مسرح كبير
وعليه بنتعلم ازاى يكون لينا تأثير
لكن يا خساره على خشبة المسرح مات الضمير
&&&
مات الكلام الحلو وفضل الحقير
ماتت النخوه فى قلوب البشر
وناس كتير أصبحت ذنوبها لا تغتفر
فاكرين بكلمه حلوه هيخدعوا اللى انتظر
عشان يتفرج ويصفق ويهلل ويقول يا قمر
&&&
لكن أصبحت اللعبه مفضوحه
وشاشات كبيره للعرض مفتوحه
خلت قلوبنا معاها ارجوحه
بيتمرجح عليها اللى دمعته فى القلب مدبوحه
&&&
المسرح عليه أشكال وألوان
ناس بتضحك والقلب زى البركان
وناس بتبكى من كتر الأحزان
وناس مغروره وجارحه كمان
وناس خداعه ولابسه ثوب الطهر بأمان
وجواها مكر وعامله زى التعبان
يلدغ وهو بارد ولا همه حياة انسان
فعلا الدنيا مسرح كبير
#وردالغرام / أميره عيد شقير
ليست هناك تعليقات:
إرسال تعليق