شــاكب راكــب --- بقلم الشاعــر / محمد البـــلاط

 

 شـــــــــــاكب راكـــــــــــب

بقلـــــــــــــم الشاعـــــــــر

محمـ البـــــــــــلاط ـــــد

شاكب راكب
بقينا مركوب وراكب
وناس الجهل علمها
تغرق مايه فى مراكب
وتسقى الطمى صخر ونار
وتعمل من الشيوخ اشرار
ويقلبوا آية فى مصحف
فيها العابد يكون جبار
وناس فرحانه بتهلل
فى عرس عبيط و جاهل
وناس بطبله بتطبل
والف بالصجات والطار
وناس مربوطه فى ودانها
وخيل ليها جنانها
بانه هو الراكب
وناس منطاعه وتطاطى
ويركب عليه الواطى
شاكب راكب ماهو عادى
فيه ناس الجوع واكلها
وناس فى برجها العاجى
وعدل الله تاه فى الارض
ونسيوا السنه ويا الفرض
وناس راضيه واهو عادى
وناس الخوف سجنها
كأن الموت امامها
شهادة الله انكرها
خايف من الموت
خايف من الموت ماتخفش
وفكرك فيه متشغلش
وسيب الملك للمالك
ملوك الارض مابقتش
ورزقك اللى مهموم بيه
فى علم الله ومخبيه
مش ضايع متفركشى
وسيب فلان وفلانه
وقضى الفرض بأمانه
وللحاكم متعبدش
نطيعه فرض وواجب
ولو فى الحق نتعاجب
وماتكنش
له الجحش وهو الراكب
عبيد الله على ارضه
وكل منا ليه فرضه
يقيمه فرض وواجب
لكن شغلة شاكب راكب
ماتنفعش
بقلـــــــــــم
 محمـــــــد البــــــــــلاط