* يامّا *
دى تالـــــــــــــت ســــــــــــــنه يامّا
من يــــــوم مارحــتى وسبـــــــــتينى
وتالت عــــــــــــــــــيد ليــــــكى يامّا
هديتك دعــــــــايا و دمــــــوع عينى
كل عـــــــــيد بروحـــــــــــــــلك يامّا
على قبرك اكــــــــــلمك ولا بتكلمينى
وبسقى صـــــــــــبار قــــــــبرك يامّا
بصبرى وبكايا ودمــــــــــــوع عينى
لكن لمّا بنام على ســـــــــريرك يامّا
فى حــــــلمى بتيجى تحـــــــــــدتينى
وبذكريـــــــــــاتنا الحـــــــــــلوه يامّا
وبحديـــــــــــتك الحـــــــلو بتفكرينى
وقلك فـــــــــــاكره وفاكـــــــــره يامّا
لمّا كنت بزعل وانــــــــتى تصالحينى
وتقوليلى يــــــواد تـــــــــــــعالى يلاّ
فى حضنى وبحــــــنانك تدفــــــــينى
ولما كنـــــــــتى بتحـــــــــــمينى يامّا
واعيــــــــط من الصــابون فى عينى
وتجـــــــيبى ابريق المــــــــــيه يامّا
وتغسلى وتنفخى وتطـــــــيبى عينى
وبعد متنشفينى مـــــــن الــــميه يامّا
كنتى بتولـــــعى كانــــــــونك تدفينى
وفى الصــــــــبح تودينى الجرن ياما
تدرسى قمــحك وعل نورج تلاعبينى
وتحت شجرة المـــانجه فى الـــــضلاّ
من نار الشمس الحــــــاميه تحمينى
وعلى الحصـــيره ســـاعة الغدا يامّا
تجيبى العــــــــسل والقشطه تغدينى
ولمّا تيجى ســـــــــاعة العـــشا يامّا
بتحلبى لبن بقرتـــــك وتســــــقينى
وفــــــاكر والله فـــــــــــــــــاكر يامّا
حواديتك لمّا بتحــــــكـيلى وتنيمينى
والسهرايا الجــــــميله واللمه يــامّا
وتغنـــيلى شــــــعرك وتعلـــــــمينى
شفتى بقا حــــــــــــال الدنــــيا يامّا
اديكى رحــتى دار الحـــق وسبتينى
ويوم عـــيد الام ياحبـــــــــيبتى يامّا
بدعيلك وكلمك بلسنى ودمــع عينى
بقلك كل سنه وانتى طــــــــيبه يامّا
واوعى تكونى زعلانه وسامــحينى
وربنا ينور ليكى قبرك برحمته يامّا
ويارب فلجنه اقابلك يامّا و تقابلينى
* كلمات /لإبراهيم ابو العباس *
*إهداء الى روح امى الغاليه وكل الامهات الاحياء منهن والاموات*
دى تالـــــــــــــت ســــــــــــــنه يامّا
من يــــــوم مارحــتى وسبـــــــــتينى
وتالت عــــــــــــــــــيد ليــــــكى يامّا
هديتك دعــــــــايا و دمــــــوع عينى
كل عـــــــــيد بروحـــــــــــــــلك يامّا
على قبرك اكــــــــــلمك ولا بتكلمينى
وبسقى صـــــــــــبار قــــــــبرك يامّا
بصبرى وبكايا ودمــــــــــــوع عينى
لكن لمّا بنام على ســـــــــريرك يامّا
فى حــــــلمى بتيجى تحـــــــــــدتينى
وبذكريـــــــــــاتنا الحـــــــــــلوه يامّا
وبحديـــــــــــتك الحـــــــلو بتفكرينى
وقلك فـــــــــــاكره وفاكـــــــــره يامّا
لمّا كنت بزعل وانــــــــتى تصالحينى
وتقوليلى يــــــواد تـــــــــــــعالى يلاّ
فى حضنى وبحــــــنانك تدفــــــــينى
ولما كنـــــــــتى بتحـــــــــــمينى يامّا
واعيــــــــط من الصــابون فى عينى
وتجـــــــيبى ابريق المــــــــــيه يامّا
وتغسلى وتنفخى وتطـــــــيبى عينى
وبعد متنشفينى مـــــــن الــــميه يامّا
كنتى بتولـــــعى كانــــــــونك تدفينى
وفى الصــــــــبح تودينى الجرن ياما
تدرسى قمــحك وعل نورج تلاعبينى
وتحت شجرة المـــانجه فى الـــــضلاّ
من نار الشمس الحــــــاميه تحمينى
وعلى الحصـــيره ســـاعة الغدا يامّا
تجيبى العــــــــسل والقشطه تغدينى
ولمّا تيجى ســـــــــاعة العـــشا يامّا
بتحلبى لبن بقرتـــــك وتســــــقينى
وفــــــاكر والله فـــــــــــــــــاكر يامّا
حواديتك لمّا بتحــــــكـيلى وتنيمينى
والسهرايا الجــــــميله واللمه يــامّا
وتغنـــيلى شــــــعرك وتعلـــــــمينى
شفتى بقا حــــــــــــال الدنــــيا يامّا
اديكى رحــتى دار الحـــق وسبتينى
ويوم عـــيد الام ياحبـــــــــيبتى يامّا
بدعيلك وكلمك بلسنى ودمــع عينى
بقلك كل سنه وانتى طــــــــيبه يامّا
واوعى تكونى زعلانه وسامــحينى
وربنا ينور ليكى قبرك برحمته يامّا
ويارب فلجنه اقابلك يامّا و تقابلينى
* كلمات /لإبراهيم ابو العباس *
*إهداء الى روح امى الغاليه وكل الامهات الاحياء منهن والاموات*
ليست هناك تعليقات:
إرسال تعليق