...الطيبة.... بقلم .. ......أيمن بلال

.............الطيبة
ياطيبة ومن قلوبنا قريبة
بعدك حياتنا تايهة متغربة
فين الحنان فين حتي الأمل
بعدك قلوبنا ف الحياه متعذبة
.................................................
حدوتة حلوة كانت منك حلمنا
وف حجرك كانت أحلام عمرنا
وحضن كان يزيل ف لحظة همنا
بعدك حياتنا نورها ضاع ومعتمة
...................................................
من بسمتك كان الصبح يضحك
ومهما يبعد الزمن قلبي فاكرك
ومهما غيبتي قلبي لسة عايشك
يبعدنا الزمن بس انتي لسة قريبة
........................................................
علي قبرك آجي وأشكي همي
ومن غيرك يسمع شكوتي ياأمي
بعدك انتي ضاع الفرح من عمري
بعدك انتي روحي ف الحياه متغربة
.........................................................
جايلك ونفسي أسكن جوا قبرك
حتي لو كان موتي تمن لحضنك
دي الحياه مش هتبقي الا جنبك
عايشك عمري اللي كان ف الصبا
..........................................................
وحشاني منك طبطبة بس وكلمتين
ما تخافش أنا قلبي معاك يانور العين
بيهم الملم كل أحلامي ف ثانيتين
امير وأشوف أميرتي وعيوني مغمضة
............................................................
لو أمك في الحياه أجري بوس ايديها
ده نور الحياه مخلوق من نور عينيها
وجنتك مرسومة برضاها والرضا ليها
دي الطيبة اللي الفرحة ف قربها قريبة
...........................................................أيمن بلال