&& لغه الدموع && بقلـــــم/ عـــــادل الشـــــهــابى

سألوا وقالوا يعنى إيه دموع ....
قولت دى لغه يحكيها كل موجوع ...
دى رسايل من قلب ساكن الضلوع ...
دى مش مجرد ميه نازله من العين ....
ولا مجرد الم وأنين ....
ولا دموع شوق وحنين ...
دى أكبر منها لغه عاشقين ...
فيه دمعه معناها حيره ....
ودمعه بتدل على الغيره ....
وفيه دمعه عتاب ولوم ...
ودمعه تحرمك من النوم ...
ودمعه تسهر معاك كل يوم ...
ودمعه تقول كفايه فراق ...
ودمعه تقولك أنا مشتاق ..
ودمعه تناجى الأحباب ...
تقولهم كفايه عذاب ...
ويا سلام على دموع الافراح..
لما يكون البال مرتاح ....
دمعه تقول يا ناس أنا سعيده ...
وكل حاجه فى حياتى بقت جديده ...
مين قال ان الدموع مش لغات ...
ولا انها تعبر عن الحالات ...
الدموع أبلغ من الكلام ....
ويسهر بيها العاشق ما ينام ...