أنتهت التمثيليه **** بقلم الشاعر / عادل الشهابي

أنتهت التمثيليه

خلاص بقا إنتى وهى ....

جت نهاية التمثيليه ....

ونهايتها كانت مأساويه ...

تمثيليه ومثلتوها ....

وكل الأدوار فيها لعبتوها ...

خلاص نزل عليها الستار ...

بعد القلب ما أنحرق وأنهار ...

ولعبتم بروعه كل الادوار ...

سجل يا ليل سجل يا نهار ...

أنها تمثيليه وأبطالها أشرار ...

لعبوا بالقلب والعقل بأقتدار ..

تمثيليه وأتعلمنا منها ...

مش كل القلوب نحنلها ...

ولا ببسمه نغنلها ...

تمثيليه من الدرجه الاولى ....

والقلوب الاسيه لعبت فيها دور البطوله ..

بس نهايتها ماكنتش معقوله ...

أحدثها بتدور حول الخداع ...

وقلب آمن ولكن ضاع ...

وقلب تانى طبعه بياع ...

يا قلب أنا مش هلوم عليك ...

لأن الحب أكيد مش بأديك ..

قلك بحبك صدقته ...

غدر بيك بسرعه فارقته ...

يا قلب ليك كل التحيه ..

لانك أتحملت الاسيه ..

وكنت يا قلب الضحيه ..

خلاص خلصت التمثيليه ..

بقلـــــم: عـــــادل الشــــــهــابى