_________أمي__________ بقلم نادر المغلوب

1. _________أمي__________
2. فاكر مره وأنا كنت صغير
   وأنتي يا أمي بتساعديني
3. إني أروح علي مدرستي
   ولما بخلص تستنيني
4. أرجع بيتي ألاقي السفره
   وبالأحضان ديما تاخديني
5. ولما أكون خلصت مذاكره
   تيجي في أوضتي وتلعبيني
6. قبل النوم تحكيلي حكايه
   ولما بنام بتغطيني
7. فاكره يا أمي وأنا تعبان
   وأنتي معايا بتعالجيني
8. وبتديني دوايه في وقته
   وبحنانك بتدفيني
9. أعمل أيه ما هو عصب" عني
   حبك ليا دوايه يا أمي
   مين غيرك كان شايل همي
   وبيرسم الفرحه في عيني
10. لبس جديد وهدوم العيد
    وعيديه تخليني سعيد
    لو خلصت تاني بتديني
11. ولما كبرت بعمري شويه
    كنتي للهم تنسيني
12. وتقولي يا أبني دا كل الدنيا
    ماتستاهل دمعه في عيني
13. أمي تحت قدمها الجنه
    ووصاني عليها نبيي وديني
14. عمري في يوم ما هزعلها
    ماهي للجنه هاتوديني
15. بقلم
    نادر المغلوب