( هي . . والعرافة )
بقلم أ / عبد الرحمن الحناوي
الإثنين 23 / 3 / 2015
¥¥¥¥¥¥¥¥¥¥¥¥¥¥¥¥¥¥¥¥¥
سألتك يا صبية هوا اللي باعك حتبعيه؟ • •
ولا الوفا خلا كي دايما بتفتكريه. • •
مافيش يوم حلو عشتي معاه فيه • •
فالت لك العرافة يا صبية يلا سيبيه • •
وانتي من جواكي دايما تفكري فيه • •
قالت لك العرافة بالرخيص يلا بيعيه • •
وانتي قلبك كبير. ومتمسكة بيه • •
كلام العرافة اوعي في يوم تصدقيه • •
كده يبقي أكبر ذنب توقعي نفسك فيه • •
دا كلامها أكبر كذبة حتخليكي تضيعيه • •
قولي للعرافة كيف وازاي أنا أرميه • •
دا نقطة الدم جوايا متعلقة بيه • •
وكل دقة ف قلبي بتسألني عليه • •
قوليى لها حانسي الألم والجرح دا خبيه • •
دي نزوة طايشة وبكرة يرجع أراضيه • •.
وبكرة ييجي ليه والندم حيبان عليه • •
قومي با عرافة وقعتي قلبي ليه • •.
دا قلبي مهما عمل لسه مشغول بيه • •
أنا لسه عندي أمل إني في يوم حلاقيه • •
ولهيب الفراق دايما ماء السماح يطفيه • •
دا العيشة بره وجوة ما بتحلاش الا بيه • •
قولي لها رغم دا كله أنا لسه روحي فيه • •
ابعدي با عرافة وسيبيني مني ليه • •
دا هوا روحي وعقلي وانا اللي أدري بيه • •
وحبنا مش حاسمحلك أبدا تخربي فيه • •
ولا بيتنا تقربي منه وتحاولي تدمريه • •
بكرة طيور السعادة حترفرف حواليه • •
وأبقي فيه أميره وحبيبي سيدنا البيه • •
¥¥¥¥¥¥¥¥¥¥¥¥¥¥¥¥¥¥¥¥¥
ليست هناك تعليقات:
إرسال تعليق