&& الدمعه متحجره && بقلم الشاعرة أميرة عيد شقير

&& الدمعه متحجره &&
ـــــــــــــــــــــــــــــــــ
الـدمعـه متحجــره
والنظــره متغـــيره
والضحكــه متعكـره
بعد ما كانت سكره
&&&
مين اللى باع وظلم
وقـــال انـه اتظلـــم
من بين خلـق وامم
كــان اسمـه حبيب
&&&
ليــه بعــت ليــه حبنـا
كــان ذنبــى ايــه انــا
راجــع تقــوللى بحبـك
وفاكرنى تانى هصدق ؟
&&&
لاء يـا حبيبـى خــلاص
انــا رمـــز الأخــــلاص
لكن انت من الأساس
بــايـــع لكــل النــاس
&&&
متقولش تانى حبيبتى
ولا تطلــب السمــــاح
مش عــايزه ارجع تانى
وخـلاص راح اللــى راح
&&&
سيب قلبى يبكى بندم
علشـــان قلبــك ظلــم
ومتطلبــش الــرجــــوع
نبضــه خـــلاص انكتــم
&&&
عمــال يــأن بـوجـع
حرام عليك يا جـدع
كفـــايه غــدر بيــه
قلبى خلاص اتوجع
&&&
اوعى تقول بعشقك
عمـرى ما هصدقـك
بـانت خـلاص نيتـك
والكدب ليه سكتـك
اصرخ وقول غلطتـك
مـره واحـده اعـترف
&&&
دايما تبكى بنـدم
وتحسسنى بألم
وياك قلبى اتعدم
وداق طعم المـرار
&&&
مصمم تجرحه ؟؟
وبأيدك تدبحه ؟؟
والله ده حـرااام
ابعــد وريحـــه

‫#‏أميره‬ عيد شقير