&& سيادة الرئيس && للشــاعر/ هشام الألفي

ابعت لقصرك قصر تانى من ورود
وابني لأجلك جبل محبة مالوش حدود
وشهادة اعتز بجمالها انى لي زيك رئيس
واني ليا فـ مصر ارض وليا جيش
واني مهما كبرت فيها
عمري اصغر من ماضيها
ياللي ابتسامتك امل وشوق مطمناني
ان اللي جاي مش هيذكر فقر تانى
بحلفك تفضل آمين
وتعدي بينا مر السنين
بحلفك بجمال سادات
وكل وطنى عشان بلدنا عاش ومات
احنا معاك وفاتحين لك ايدينا
وعشان عينيك القش نعمل بية سفينة
ونعدي بيها كل الحدود
رفعت راسنا ورعشة كانت جوة جسمي
لما بتنطق اسم مصر كأنة اسمي
شوفت عينيك فيها دموع مليانة فرحة
مصرالعروسة ليلتها كانت لابسة طرحة
كمل طريقك ربنا يحرص سيادتك
وكفاية انك انت ابن اصل وفيت بوعدك