حكايه حب زمان ** بقلم ** وائل الشاذلى

هحكى حكايه حب طويله ومين يسمعنى
جتلك تانى يابحر أكيد أنت سامعنى
حكايه حب زمان عشناها أنا والشوق ومعايا غرام
وقلبى كان بيحب هواها وأتارى يابحر دا كان أوهام
كنا بنفرح سوا ونغنى وعايشين أحلى ليالى غرام
كنت بصدق كل غرامها وقلبى بيعشق كل كلامها
كنت بخبى يابحر وأدارى أحلى وأجمل شوق وغرام
ياما يابحر الشوق دوبنا وياما نسينا إنها أحلام
أحلام قلبى وأحلام حبى
كنت بقول إن الضحكه كانت ليا وأنا مش عارف إنها كانت بتلعب بيا
كنت بقول إن غرامها دا نور لياليا
وفجأه يابحر لقيتها بتبعد وأنا وحديا
ياما عشانها يابحر سهرنا أنا وغرامى نعيش أحلام
وتيجى الفرحه قوام حواليا وتقول للشوق أحلى كلام
وتمسح دمعه شوقى وحبى وتخلينى علطول بفرح وقلبى يغنى
وفجأه الدمعه نزلت منى وهيا بتبعد كدا ليه عنى
معقول كان كل دا أحلام
خليك شاهد يابحر على حبى وإسمع منى أنا راح أقولك كان ليه قلبى عشانها بيفرح وكان ليه قلبى عشانها بغنى وكان بيقولى عنها غرامى إنها أحلام ومصدقتوش

أنا والبحر
وحكايات الحب والبحر
وائل الشاذلى