&& يا بلدى && بقلـــــم / عـــــادل الشــــــهــابى

يا بلدى بيشدنى ليكى الحنين ....
يا طيبه وناسك طيبين ....
يا كنز غالى يا مصر يا ضى العين ....
يا هرم يا نيل بيجرى بين شطين ...
يا بلدى هنلاقى زيك فين ....
طول عمرك يا بلدى كبيره ...
وبين جيرانك أكيد أميره ...
وولادك عليكى غيره ....
بلدى أنتى أقدم حضاره ...
بالعلم عملوها مش بالشطاره ...
وتراثك على كلامنا أكبر أماره ...
قولوا مين غيرنا بنى الأهرمات ...
ولأبوالهول حارسها كل السلامات ...
يا بلدى ليكى كتير معجزات ...
قالوا فى المثل اللى خلف ما مات ...
وأحنا بنكملك حضاره من آلاف السنوات ...
وعلشانك يا بلدى مستعديين للتحديات ...
بلدى كل العيون عليكى ...
لكن يا بلدى ربى حاميكى ...
من فوق سبع سموات راعيكى ...
ومحدش هيقدر يا بلدى عليكى ....
بلدى يا أسم غالى ...
على مر السنين دائما عالى ..
يا بلدى وأحنا فى حضنك مش خايفين ..
وعندك بدمائنا مدافعين ...
يا بلدى بيشدنى ليكى الحنين ...