على حالك
======
بقلم الشاعر المصرى/احمد ابراهيم
=====================
على حالك نزل دمعى ولا قادر
اعدى حدودى ووصللك
ومش قادر ازيح الليل عشان
ارجع هنا ف حضنك
انا بقيود وتاه منى
شروق شمسك
وروحتى بعيد وغاب فجرك
انا المجروح على جرحك
انا المشتاق ابوس خدك
والمس فى الربيع وردك
لكن وردك هنا بيموت
بيندهلك انا مشتاق و مشتقلك
بصرخة صوت بتدوى حدود
بتنادى حنين قربك
لاانا قادر اخطيلك
ولا قادر ده انا هاجر
ربيعى سنين ولا قادر
اعيش من غيرك الايام
ولا قادر واخطى جبال
عشان القرب بنا محال
لايوم هقدر على رجوعك
ولا تقدر فى يوم ايدى
هتمسح نقطه ف دموعك
دموعى بحور هنا نزله
على حالك
======================
بقلم الشاعر المصرى/احمد ابراهيم
ليست هناك تعليقات:
إرسال تعليق