يا قبر دلنى بابك
..................
ليه سعر الموت صبح غالى
وهم وغم سعره رخيص
محاوطنى ليه طوالى
عايش فى الدنيا وحدانى
تايه بين اهلى وجرانى
وفى الدنيا ماتت احاسيس
لامم جرحى مابين لضلوع
وبصرخ اااه بصوت مسموع
لا قولت ااااه بتريح
ولا مخلوق سال اسبوع
عايش بين اااه وبين جراح
لا بهدا فى يوم ولا بارتاح
سألت عطارين الصبر
على وصفه تداوى جراح
قلولى بص لحالك
علاجك يستاهل القبر
يا قبر دلنى بابك
انا من طالب وصالك
فاتونى الناس والديره
فايتها وقاصد ابوابك
بتتهرب من اقدامى
ومش شايفك ليه قدامى
وهم وغم سعره رخيص
و سعر الموت صبح غالى
يا قبر دلنى بابك
بقلم محمد البلاط
ليست هناك تعليقات:
إرسال تعليق