&& وصية اب && بقلم / الشاعر جمعه العراقي

ابويا وصاني وقالي اسمع كلامي وسجلي
انا كنت زمان معايا فلوس
كانت الناس في ايدي تسلم وتبوس
كنت زمان كببرهم وسيدهم
كنت بعادي اللي يعاديهم
كنت بمد ايدي لاديهم
ساعدت كل واحد فيهم
كانو ضعاف كنت سند ليهم
واقفت معاهم كلهم في حزنهم وفرحهم
::::::::::::::::
اسمع يابني بص دايما قدامك
اعرف مين عدوك ومين خدامك
اعمل الجميل لانك اصيل ابن اصيل
احنا في زمن ديابه
الزمن ده مش محتاج طيابه
كان في ناس خدمتهم لما احتجتهم
بعدو عني كلهم
فهمت يابني كلامي عيدو تاني قدامي
قولتله اسمع يابا كلامي
سيبني اعيش واتعلم ماهي الدنيا قدامي
لفيت كتير ومشيت حافي القدم علي الرمال
واشتغلت عند العويل وعند العال
لفيت كتير وكتير وصبرت صبر جمال
عشت في وسط عيال وكمان في وسط رجال
مشيت في وسط الناس اسئال عن الاحوال
لقيتهم تايهين وعن بعض مش سئلين
لاخ بسئال عن اخوه ابن امه وابوه اخوات بتبيع بعضها بعد الاب ما مات
نسيو ياناس انهم لسه اخوات
قالو ابونا مات معتش في بينا قرابه ولا اهتمامات
ناس شقيانه وغلبانه وناس دايما عيانه وهلكانه
قولت اسافر خدت جوازي وشنطتي روحت لناس متغربه
لقيتهم شغالين لاكلت حقوق مدربه
كنت فاكر ان الغربه هدا الناس ومطيباها
اتاري الغربه تربه وسجن لناس ومعذباها
خفت اني ادخل السجون واعيش جواها
رحلت تاني لبلادي
روحت لابويا انادي
يابا انا اتعلمت ومن كلامك فهمت
ان الدنيا رحاله
كان في قبلنا اسود
عاشو جبباره والوقتي اكلهم الدود
الاخ مش طايق اخوه
الرحمه فين ياخلق هوووووووووووو