موثقه
غيرك ما حبيت
والدمع يبات
ع الخدين
من يوم ما مشيت
وسافرت بعيد
ولغيرك
ما حنيت
سامحني
ان كنت
اتاخرت
عليك
طالت بيا الرحله
وروحت بعيد
سامحني
من كتر المشاوير
اتهديت
واتحديت
وعديت
كل بحور الحزن وجيت
جيتلك عشان اخد ايديك
م الحزن ال ف قلبك
واهون عليك
الحمل التقيل
والخوف الي ماليك
غيرك ما حبيت
ما اعرفش ليه
خدتني الحياه منك
ومنك خدتني السنيين
وغرقنا ف هموم
ذي ما يكون
صابتنا عين
كان قربك اماني
و قصة حبك
حلم جميل
حلمنا بيه
ف اجمل ليالي
العاشقين
ايام ما كانت
قلوبنا طير
بيتعلم يطير
غيرك ما حبيت
لو اقولك ف غيابك
بايه حسيت
يمكن ما تصدقنييش
حسيت
كاني مش عايش
ولا ليا
ف الدنيا بيت
وف النهار
بتمني يجيني الليل
علشان
الدمع ال ف عيني
يداريه
وبييجي الليل
اتحايل عليه
يخلي رموشي
تنام
مايرضاش
والدمع
يبات
ع الخدين
من يوم
ما مشييت
وسافرت
وعنك
روحت بعيد
.......................موثقه
من ديواني الاول
علاء زايد
ليست هناك تعليقات:
إرسال تعليق