&& ياريت يقولى && --- كلمات الشاعر / ياسين عبد الوهاب --- كلمات الشاعره / أميره عيد شقير

* ياسين *
نسينا الشعر والمشاعر
واللي شاعـر بظلـم زايى
ياريت يقولى
بعد الشعر والمشـاعر
إيه فاضلي
قلب ميت وعين بتبكى ؟

* أميره *

ودموع بتنزل مش بتشكى
طيب كنت قولى
انك انت بقلب قاسـى
دايما بيجرح حد غالى
&&&
ومن مرار الكاس بتسقى
بالكــدب انت ليــه تغنـى؟
أبعـــد تقــرب تـانــى منـــى
كنت تسيبنى خلاص لوحدى
ياريت تقولى
&&&
جيبت القسوه دى منين
ايه فاضلي ؟
غير حلم حزين
وبسمه راحت من عالخدين

* ياسين *
عمري مرة ما كنت قاسى
كنت ليك وبين أيديك
قلب عـاشق للحيـاة
ومهما كنت أشوف أساك

* أميره *
اقولك انا ايه فاضلى ؟
قلب مكسور ضاعت فرحته
عين بتبكـى على حـب ضاع
وشموع طفاها الغدر من غلطته
لأنه قلب حب انسان مليان بالخداع

* ياسين *
كنت راضى بأي جرح وأي ظلم
وكنت أغنى غصب عنى
بالمرارة من بعادك لحظة عنى
بس يوصلك ندايا وتسمعيني

* أميره *
عرفت ايه فاضلى ؟
اوعى تانى تقول حبيبتى
زمن الخيانه مالـوش امان
مش راح ارجع احـب تانى
بعــد مـا اخلصـت لجبــان
&&&
زعلان انى قسيت عليك ؟
كنت قولى
قبل قلبى ما يعشقك
ويحـب فيك ويصدقـك
وبكل شـىء يسعدك
وتيجى انت وتكسـره

* ياسين *
قلبي صادق من البداية للنهاية
في كل كلمة قولتهالك
أسمعيني وارجعيلى
بعد منك إيه فاضلي ؟

* أميره *
الله يسـامحـك يـا هـوا
جرحتنى ومـاليـش دوا
جرح القلوب صعب اوى
ودمـوعه بتكـويـه كــدا
كنت قولى