&& عصفور جريح && بقلم الشاعرة ورد الغرام أميره‬ عيد شقير

&& عصفور جريح &&
ـــــــــــــــــــــــــــــ

عصفور جريح واقع عالارض سايح فى دمه
خايف من الكلاب تيجى بسرعه و تاكله
عمال يجرى بسرعه مش عارف نهايته
لكن يا خساره لو عاش وبعدوا الكلاب
جراحه ودمه أكيد هينهوا عمره
&&&&&
حكم عليه الزمن يموت بأيد صياد
كان طاير فى العلالى يروح بلاد وبلاد
لا خوف هيكسره ولا جوع ولا بعاد
عمال يطير بالأوى من غير جراح ولا ذاد
يجيب من الدنيا لقمته من خير رب العباد
يشيل يحط يطير ينط من وادى لواد
&&&&&
وفجأه غدر بيه الصياد
وضربه طلقه وجرى لبعيد
كان فاكر العصفور انه هيعيش سعيد
لكن يا خساره لقى حتفه أكيد
زى الدنيا ما بتعمل فى الشهيد
&&&&&
يكون طليق وفجأه غدر الرصاص والبارود
يخلص عليه بدون اسباب ولا قيود
وغدر الأستعمار آه منه نمرود
يسكت شويه وشويه يدمر بدون حدود
ويكون الشعب والوطن زى العصفور الجريح
سايح فى دمه وفاكر انه هيطير فى الريح

‫#‏أميره‬ عيد شقير