أنا عمرى ماسمعت عنك
إنك متطرفة
طول عمرى شايف إنك
بتنادى بالسلام
وإللى أنا عرفتة منك
للحق منصفة
ودايما ً فاتحة حضنك
للنور مش للظلام
إنتى والجامع بتنادو
بتوحيد الله
ومين هيقبل الصلاه
غير الله
يالى بتقولو فيه إختلاف
بين مينا وأحمد
مينا وأحمد مصرين
وإللى بيزرع الإختلاف
بين مينا وأحمد
ده واحد م الجاهلين
ياجاهل مسلم وقبطى
قصة كفاح وتاريخ
مستحيل تقدر تمحية
القبطى زمان حمى الإسلام
والإسلام النهارده
هو إللى بيحمية وهايحمية
والواحد وعشرين شهيد
كل نقطة دم نزلت
نزلت بقلب المسلم
قبل ماتنزل بعينية
وجيشنا أخد بحقنا
ورفع راسنا كُلنا
وطول مااحنا إيد واحده
عمر الوطن ماهيضيع
وزى ماقالوها أجددنا
الدين لله والوطن للجميع
ليست هناك تعليقات:
إرسال تعليق