نزاع اخوات على ميراثهم
شيطان انسى لاعب راسهم
وموت فيهم احساسهم
بقوا اعداء وسم وداء تصالحهم
صاحب الحق عايز حقه
واللى ناهب سادد بوئه
متشكيشى ماتتألمش
وعن حقك ماتتكلمش
طبيعتك جحش وهعيش راكبك
ولو ترفس راح ازلك
يا اما تعيش وليا طايع
يا اما الحبس افضلك
وانسى فى البلد ملكك
وانسى ولدتك امك
يا عبد لى وانا ربك
فيه كام فى الكون كاره امه
وكام انسان كاره بيته
يا مصرين افتكروا
ايه فرق العبد من سيده
خلاف اخوات على مالهم
وقطعة ارض ميراثهم
فيه اللى خاضع وساكت
واللى فى الله متعشم
ومارد بالطمع حاقد
فى بطنه ناوى ياكلهم
اقول للناس وافكرهم
فيه كام فى الكون كاره امه
وكام انسان كاره بيته
نزاع اخوات على ميراثهم
وفرق العبد من سيده
ليست هناك تعليقات:
إرسال تعليق