قصيدة// ولاد العــــم
-----------------------
فى ساعة محــسوبة.....من ساعات الغم
فى صــــورة مقلــــوبة.....شوفنا ولاد العم
قاعدين ورا الكواليـس....بـأدين ماليها الدم
بيحـــــــركو ابليـــس...غلبو الشيطان ياعم
بخيــــــوط دبــلانة....مشدودة ميت شدة
فــــ التوهة غرقانة .......ملهـــاش ولا ردة
نســـــــألهم التوبة ... بردو مافيش فايدة
متغــمين بســـواد......أصله حداد فــ حداد
ع الشعب والأجناد .....كـــونى يانار بــــردا
بحــــق حـــق الله.....بيحـــللو دمــنا
يقــــولو قــــال الله...والشرع نافذهنا
اقتـــــــل هــنا.....
احـــــرق هــنا
دوس أرضـــــنا
وانهش ياكلب فـ عرضــنا
ياكلمة ضــــايعة فـــ حـلقى
ماضيعيش فى الحق حـقى
هوا أصـــــــلاً عـــاش جـبان
مالوش مكان...مالوش كيان
ده حاجة كــــات محــسوبة
على بنـــــــى الانســـــــان
أصرخ بعلو الصوت...نبض الحياة بيموت
وروحـــــى متهانة...متهددة بريمـــــوت
ياروح مابعدك روح..صـــــوتى أنا مدبوح
لسة النفس فيا ...ولا أنا عايـــــــــش
.......بـــس حـــــــــلاوة روح
يادمعك ياوطـــــــــــن...لما تشـــــوف ولادك
مهاجــرين أحضــــانك.......جــامعهم كـــــفن
ألف صـــلاة هاتصلى....سلم شهيد بشـهيد
اخلـــط الــدم واكتب.....أســامى ع الشريط
محمد جــــمب مينا......وادعـــى ع البعـــيد
ليست هناك تعليقات:
إرسال تعليق