الفاكهـــه
فى السوق الفاكهه أشكال وألوان .....
فيها العنب والمانجه والرمان ....
ومنها زيارات للتعبان ....
وليها فوائد كتير يا جدعان ...
شوفنا فيها التفاح ...
فى خدود البنات لواح ...
يا سلام عليكى يا فراوله ....
بالشفايف إنتى أولى ...
مال لونك يا برتقال مسفِر ....
وكبير وصغير عليك بيمر ...
وطعملك عمره ما كان مر ...
فوائدك يا برتقال كتير ....
إن كنت صحيح ولا عصير ...
من العنب روحى وهاتى ...
أحمر وأخضر وبناتى ...
عمار يا مشمش عمار ...
ومنك الفاكهه بتحتار ....
يا سلام عليك يا برقوق ....
يا محلى الفاكهه فى السوق ...
قالوا إيه أحلى من اللوز ...
رديت وقولت أكيد الموز ....
وله الكل كمان بيعوز ....
يا فاكهه مين يكرهك مين ...
وإنتى كلك يا فاكهه فيتامين ....
وهديه كمان للغاليين ...
يا فاكهه كلنا ليكى شوق ...
وحلاوتك وإنتى ماليه السوق ...
بقلــــم: عــــــادل الشـــــهــابى
ليست هناك تعليقات:
إرسال تعليق