...................................ماتصدقيش
لو قلت من غيرك هأعيش
حبك حياه بنبضها بأعيش
جوايا حلم عايشه بحبك
وحياتي عنه ما ترحليش
............................................
زي الندي حبك وقلبي خضار
تنزل دموع عطرك تصحي النهار
عايشك هوايا طريق وسكة ودار
د أنا من هواكي بقيت درويش
................................................
ياسكة ومشيت فيها بقلبي
خدتي مني حياتي وعمري
لحبك جيت وسلمته أمري
دي نظرة منك بيها بأعيش
...................................................
قالوا الهوي قلت الهوي منك
والحياه لحظة أعيشها جنبك
والليل ما يبقي الا تحت ضيك
ياحكاية حب انتهي ولا تنتهيش
....................................................
انا عاشق جايلك وشايل بعمري
ولو ينتهي كفاية شفتك ياعمري
مين غيرك انتي أهديه كل عمري
دي الحياه من غيرك ما تساويش
......................................................
لو نظرة منك للعيون المشتاقين
ولمسة منك للايدين العطشانين
ولحظة لقا أعيش بيها السنين
حبك هنا عندي أنا ما ترحليش
.........................................................
يمكن أكون حبيب مجنون بعشقك
رغم اني عمري ف يوم ما قابلتك
بس أنا في الحلم كام مرة شفتك
ومن ساعتها حلمي بيكي ما بينتهيش
..................................................
..........أيمن بلال
ليست هناك تعليقات:
إرسال تعليق