&& انا المستحمل الغلب. && بقلم / هانى حُزين

‏‎‏

 وعمرى يوم ما شكيت...
انا اللى دايق القهر...
ومترمط ...
بين كيت وكيت..
...............................
انا اللى بدنى نحيل...
وانا اللى كلى عليل...
انا اللى بيجود بكرمه...
ويقولوا عليا بخيل...
...........................
انا اللى الدنيا ظلمانى...
انا اللى الحزن عنوانى..
انا اللى الفرحة نسيانى...
لا ضعفت ولا بكيت...
............................
انا صوتهم بالصندوق...
انا اللى الفول...
غيره م ادوق...
انا الثاير...
والمحروق....
انا اللى اجره...
يا دووب سحتوت...
......................
انا اللى لسانى...
خيبنى...
وانا اللى قلمى...
تاعبنى...
انا اللى السهم...
صايبنى...
وف ركن بلدى...
عايش مزنووق...
.............................

انا الحلم...
اللى حقيقته...
كابووس...
واقف قصادهم...
بوش بشوش...
انا اللى ياما...
سبوا عليا....
انى جاسوس...
وعميل مدسوس...
وانا اللى بيدعوا...
بصلاتهم....
انى ارحل عنهم..
واموت...
.............................

انا اللى راضى...
بالخبله...
انا اللى حابب...
السطله...
انا اللى طالع...
النخله....
انا اللى احلامه...
هبله.........
وف ضهرهم....
واقف خازووق.....
.......................................
لا انا قيس ...
ولا عنتر....
ولا عامل فيها.....
غضنفر......
انا واحد.........
بدنيا الله....
ف عشق بلدى......
حبيب مدلووووووووووووووق..