*حزين *
حزين انا على نفسى
لما اتخدعت فيكى
منا ال بعت نفسى
برخص التراب ليكى
دويت جرحك وكسرك
كفأتينى بظلمك وغدرك
بعتينى ونا شاريكى
ايوه انا حزين
خدعتينى بدمعتين
كان عقلى بس فين
لما صعبتى عليا
وشفت الطيبه فيكى
يللى قلبك انانى
يللى حبك اذانى
ليه حبك عمانى
وكدبك كان منقوش
ذى الوشم عليكى
انتى قلبك غدار
جواه مرارونار
حرق قلوب خضار
خدتى انى رمادها
زينه وكحل لعنيكى
يللى حبك ذنوب
وغاويه حرق قلوب
مش هتنولى الهروب
لما نارك تخلص علينا
نارك هتحرق فيكى
*كلمات ورؤيه واداء /لإبراهيم ابو العباس *
ليست هناك تعليقات:
إرسال تعليق