تحذير
ـــــــــــ
إوعاك تعدى فى يوم أبدا قصاد قلبى
أوحتى عيونى تشوفك تفتكر زمان حبى
خلينى فاكرك حبيبى والذنب كان ذنبى
سهرت عشانك عيونى والنجمة جات جنبى
عديت النجوم وحدى ومليت بالهموم عبى
سمعت منك وعود ياما ضلمت دربى
وكونت أكدب على روحى ودمع عيونى متخبى
وأبين للعزول فرحى وعالم بيا أنا ربى
ونار الهجر تا كلنى وأعلن ع القليب حربى
قلبى يا ما بكيته بحرقه تفوق ضربى
كان نفسى عينى تسامحك لكن عامله حساب قلبى
اللى انت سبب جرحه ووياه عجز طبى
ولاحتى كلمة حنان تجدد معاك حبى
انسانى وانساك ولا تعدى فى يوم جنبى
ـــــــــــــــــــــــــــــــــــــــــــــــــــــــــــــمحمودعمار الزلبانى
ليست هناك تعليقات:
إرسال تعليق